انفروا خفافا وثقالا
كلمات الشاعر / صقر منصور اللاحجي
حياكم الله يابدله ومعوز وشال
حياكم الله ياهل العز والجمهره
حيا بمن يعلنوا موقف من الاحتلال
ويرفضوا فكرة ابن سعود والخنزره
نفير تجنيد قتله يارجال يانشامى القتال
تجنيد تجنيد حيالله بالعسكره
ننفر خفافا وننفر يانشاما ثقال
باب الجمود والتراجع ياخوي سكره
في النفير الاصاله والأصل والوصال
والمجد والعز والايمان والمغفره
الابن والاب وبن الاخ عماً وخال
من ينصر الله مهما كان باينصره
ودفت ودفت يالصعلوك يابو عقال
والله لا نجعل. الجبهه لكم مقبره
ياحيف ياعيب لاقد جتني ام الجهال
تجهز القرن وتعبيه وتذخره
قالت لي اتحمل الالي وشد الرحال
ياروحي الوقت مو وقت الدلع والشره
ماعاد للأُنس فيني ياحبيبي مجال
خوفي من العز والناموس لانخسره
اوضع لنفسك مكانه في دروب النضال
وصطر المجد في التاريخ بالمصطره
وكون رجال في الجبهات بين الرجال
والا فباكون انا الرجال وانت المره
انا اشهد انها اصيله من بنات الحلال
محنكه زينبيه جدها حيدره
يضرب بها مثلما يضرب بزينب مثال
ذي ترفع المعنويه ساعة القهقره
وبعضهن تسحبه من مترسه باتصال
تشكي وتبكي على الروحه ترى تجبره
واين انت ياروحي الغالي فقدتك تعال
لك شهر غايب قليبك يالطيف ماصبره
وانه مفسر مطنن يشتي ام العيال
وروح البيت ماحقرها وما احقره
في كل لحضه يراودني بفكري سؤال
لوما نفرنا ولوما الشعب نستنفره
كان بانذوق الهيانه والبلا والوبال
ونموت ميته رديه كلها مسخره
ياااارب يامن عليك الامر والاتكال
يامالك الملك في الاولى وفي الاخره
لك بعت نفسي وبعت المال في كل حال
لا كبر لا عنجهيه لا ولا مضهره
ولدت رجال وابغى اموت بين الرجال
والموت في غير دين الله نستحقره
