مجاراة شعرية عن الأحداث في مأرب وثروات الشعب المنهوبة..

البداية الشاعر عبد المجيد الحاكم

خامس سنة والعاصمة طافي

والكهرباء والغاز في مارب..!!

شلوا حقول الخام والصافي

واحنا على الدبّات بنسارب..؟!

الشاعر احمد درهم المؤيد

ياذي تبيعوا نفطنا دافي

للأجنبي واحرمتوا الصاحب..

الى هنا يا اصحابنا كافي

من قبل ترك الحبل والغارب..

ضيف الله سلمان

شعب اليمن من كل الاطيافي

سلم زمامه لبن ابي طالب..

ياويلكم من جيشه الحافي

ذي يشبك الموجب مع السالب..

الشاعر نشوان الغولي

واحرار مارب كيلهم وافي

(عبيدة) اللي تدي الواجب..

و(مراد) ونعم تفعل القافي

ماتقبل الخاين ولا العايب..

الشاعر بسام شانع

نبغى اليمن في خير متعافي

ماعودة الا عودة الغايب..

برجوع تاريخي وجغرافي

والكهربا والغاز والراتب..

عبد الباري عبيد

قل للعراده حسب الاعرافى

يرد ما قد شل ويحاسب

ولا قسم لا يوصل الحافي

ينتف له الدقنه مع الشارب

زيد علي ابو علي

اليوم هذا يوم الإنصافي

للشعب منكم والله الغالب

وحقنا با ناخذه وافي

ما ضاع حق وبعده امطالب.

عاقل بن صبر

أبشر بعزك والوفاء الوافي

يا كل نشمي قام بالواجب

بجهودكم تتحقق اهدافي

والخير قادم والله الغالب

مهدي احمد مهدي الغولي

دام الهداى قد وضح اهدافي

وبين المغشوش والصايب

جيش اليمن من كل الاريافي

سيل وسيله. جارفي مارب

علي الشرفي

أنصار ربي كيلهم وافي

وجنده ربي أمرهم غالب

قل للعرادة جيشنا الحافي

با يقلب الموجب إلى السالب

هشام الدكاك

مافي تراجع للورى مافي

ياابنا غريفث سلموا مارب

النفط نفط الأشعث الحافي

والغاز غاز الطفل والشايب..

حسن السعيدي

يا كوفل إلقف جيشنا الحافي

هارب عميل الأمركه هارب

الخير بعد النصر متلافي

والشر نجمه دائما غارب

ضيف هجوان حساب بديل

حلف اليهودي لمبته طافي

ومنتف اللحيه مع الشارب

قولو لهذا التافه الهافي

مايضوي الا خاطره طايب

غزوان الوحيشي

ياصاحبي دام الله الكافي..

لابد يسبر وضعنا الخارب..

دهفة تساعد جيشنا الحافي..

وترد لحضان الوطن مارب..

الشاعر مرتضى شريف

ما عاد موقع نجد جغرافي

وليعلم الحاضر مع الغايب

لو صار صبخ المعركة طافي

ما من تركنا شبر في مارب

عبد القوي البطل

من ما شربنا يشربوا صافي

واخر خبر مشروعهم خارب

لو يفهموها ماجرى كافي

ويخرجوا من بحر متضارب

الشاعر زايد علي الوايلي

يا كل حاضر بلغوا قافي

يسمع به الشارد مع الهارب

من بعد مارب حقل بلحافي

ورجالنا وسلاحنا وارب

ابو وايل عنبل

من كان عند المقدره عافي

عفو النبي والا ابن ابي طالب

الدار تسعد لا بدا الوافي

وتبتئس لا زارها العايب

محمد الحربي

ياموقع الرصد الطبغرافــي

حدد مكان الخائن الهــارب

وارسل لهم من خشمها دافـي

وقش لو مايدو الصايــــب.

ابو علي البريهي

صب الهزايم فوق الأحلافي

وإدحر أبتهم فالعذاب واصب

والقادم أعظم ردنا شافي

ولا مكان(ن) برضي للغاصب

ابو حسين النميري البيحاني

لـن نقبل المحتل والـهـافي

لآزٍمٍ نصلح وصعنا الخارب

يااغمار مارب مابقي خافي

دحر التحالف شورنا الصايب

ابو ناصر الرازحي

احداث مأرب كيلها وافي

والمرتزق باطرافهاهارب

ورجوعها للحق وانصافي

واردمثل ماشمسهم غارب

عبد الكريم مقبل

صوت القبايل طالب القافي

يااعيان مارب لبو الصايب

ولا يجيكم ردنا الشافي

والشعب مابايقبل العايب

ابو مالك القيدلة

واهل الشرف واحرار الاشرافي

والجوف واهل العز من مارب

ردو العدوا واحلاف الاحلافي

في الخبت ولى منكسر خايب

وعد الله المقبل

في وسط مارب او فالاطرافي

نرمي عدو الله في الحاجب

والحلف ياخذ مننا الكافي

والنصر يلمع نجمه الثاقب